Bo’lim mudiri muzey boyliklarini konservasiya va restovrasiya qilish bo’yicha tadbirlar ishlab chiqadi hamda bo’lim yillik rejalarini tuzadi,yodgorliklarni konservasiya va restovrasiya qilishning uslub va usullarini tavsiya etadi; Bo’lim mudiri bosh muxofizga bevosita bo’ysunadi; Bo’lim xodimlari, ta’mirchilar, konservasiya va restovrasiya bo’yicha tadbirlarni, rejalarni tavsiyalarni amalga oshiradilar; Amalga oshirilgan ta’mir ishlariga maslaxat organi hisoblanmish -ta’mir ish bo’yicha kengash xulosa qiladi. Bu kengashning bayonnomalari barcha a’zolarining imzosi bilan rasmiylashtiriladi; Muzey boyliklarini konservasiya va restovrasiya qilish faqat o’zini oqlagan uslub va ta’mir ashyolari bilan bajariladi; Bo’lim mudiri va xodimlari amalga oshirayotgan ishlarini xujjatlar asosida qaydga olishlari zarur. Ta’mir ishlari davomida buyumni ta’mirgacha, ta’mir jarayonida va ta’mir tugagandan keyin fotosuratga tushirish lozim; Bo’lim mudiri ta’mirchilarni ashyolar va asbob uskunalar bilan ta’minlash bo’yicha talabnoma tuzadi; Ta’mirchilar muntazam ravishda muxofizlar bilan birgalikda muzey buyumlarini ko’zdan kechirib turishlari zarur. Ularning holatini qayd etib,zararlanish sodir bo’lgan holatda tezlik bilan bosh muxofizni xabardor qilishlari va ta’mir choralarini ko’rishlari lozim; Ta’mirchi muzey buyumlarining holati uchun, ta’mir ishlarini xujjatlashtirish uchun javobgardir; Muzeydan tashqarida bo’ladigan ko’rgazmalarga yuborilayotgan va ko’rgazmadan qaytib kelgan muzey buyumlarini quti va boshqalarda joylashtirishga va ulardan olish ishiga ta’mirchilar rahbarlik qiladilar; Ta’mirchilar sotib olish komissiyasi ishida qatnashadilar.